«Aston Villa» darvozaboni Emiliano Martines Yevropa ligasi finalida «Frayburg»ga qarshi uchrashuvda jarohat bilan o‘ynaganini tan oldi. «Villa» Germaniya jamoasi ustidan 3:0 hisobida ishonchli g‘alabani qo‘lga kiritishdi. Argentinalik posbon o‘z darvozasi tomon yo‘llangan har ikkala aniq zarbani qaytarishga muvaffaq bo‘ldi.
«Men o‘yin oldidan o‘tkazilgan chigalyozdi mashg‘ulotlarida barmog‘imni sindirib oldim, ammo har qanday to‘siqdan ijobiy narsa topish mumkinligiga ishonaman. Ilgari hech qachon siniq barmoq bilan o‘ynashimga to‘g‘ri kelmagan edi. Ba’zan siz qiyinchiliklarga tik boqishga majbur bo‘lasiz va men bunday chaqiruvlarni qabul qilishga hamisha tayyorman. «Aston Villa»da o‘ynayotganimdan faxrlanaman», — deya Martinesning so‘zlarini keltiradi MatchDay Central nashri.
Istanbulda bo‘lib o‘tgan final uchrashuvida Yuri Tilemans, Emiliano Buendiya va Morgan Rodjers tomonidan kiritilgan gollar «Aston Villa»ga g‘alaba taqdim etdi.
