«Barselona» yarim himoyachisi Frenki de Yong Xavi Ernandes va Xans-Diter Flik bilan o‘zaro tushunish borasida o‘z fikrlarini bildirib o‘tdi.

Ma’lumki, nemis mutaxassisi 2024 yilning yozida «Barselona» bosh murabbiyligi lavozimida ispaniyalik murabbiyning o‘rnini egallagan edi.

«Flik maydondagi vazifamni Xaviga qaraganda yaxshiroq tushunadimi? Yo‘q, menimcha, Xavi ham meni juda yaxshi tushungan. To‘g‘ri, boshida ayrim masalalarda qarashlarimiz turlicha bo‘lgan, ammo bu u bu yerda ish boshlagan dastlabki yarim yildagina kuzatildi, xolos.

Biz La Ligada g‘olib chiqqan ikkinchi mavsumda esa hammasi ancha yaxshilandi. O‘sha yozda meni sotib yuborish haqida gap-so‘zlar yurgandi, biroq keyinchalik Xavi taktik tizimni o‘zgartirdi, men ko‘proq o‘ynay boshladim va maydonda erkinlikka ega bo‘ldim», – deya Ispaniya OAVlari de Yongning so‘zlaridan iqtibos keltirmoqda.

Ma’lumot o‘rnida, Frenki 2019 yildan buyon «ko‘k-anorranglilar» sharafini himoya qilib kelmoqda. Joriy yilning 12 may kuni niderlandiyalik futbolchi 29 yoshni qarshi oldi.