«Liverpul» klubini 30 iyun kuni erkin agent sifatida tark etadigan himoyachi Endryu Robertson jamoa muxlislari bilan bo‘lgan munosabatlari haqida o‘z fikrlarini bildirib o‘tdi.

«Bu yerda juda ko‘p insonlar meni yaxshi ko‘rib qolganidan o‘zimni juda baxtli his qilaman. Menimcha, ular maydonda shunday bir futbolchini ko‘rishdiki, agar ularning o‘zlari «Liverpul» libosini kiyishganda aynan shunday o‘ynashgan bo‘lardi — har bir uchrashuvda maydonda borlarini berib, 100 foiz kuch bilan harakat qilishdi. Men har doim o‘zimdan shuni talab qilganman va meni qanday qabul qilishgani uchun barchadan juda minnatdorman», — deya «The Guardian» nashri futbolchining so‘zlarini keltirmoqda.

Shuningdek, «Enfild» stadioni yaqinidagi yangi devoriy suratda (freskada) «Glazgoda tug‘ilgan, Liverpulda yaratilgan» degan yozuv paydo bo‘ldi — muxlislar klub safida 9 ta sovrinni qo‘lga kiritgan Robertsonning shahar va jamoa bilan bo‘lgan mustahkam bog‘liqligini aynan shunday ta’kidlashdi.