«Ливерпуль» клубини 30 июнь куни эркин агент сифатида тарк этадиган ҳимоячи Эндрю Робертсон жамоа мухлислари билан бўлган муносабатлари ҳақида ўз фикрларини билдириб ўтди.

«Бу ерда жуда кўп инсонлар мени яхши кўриб қолганидан ўзимни жуда бахтли ҳис қиламан. Менимча, улар майдонда шундай бир футболчини кўришдики, агар уларнинг ўзлари «Ливерпуль» либосини кийишганда айнан шундай ўйнашган бўларди — ҳар бир учрашувда майдонда борларини бериб, 100 фоиз куч билан ҳаракат қилишди. Мен ҳар доим ўзимдан шуни талаб қилганман ва мени қандай қабул қилишгани учун барчадан жуда миннатдорман», — дея «The Guardian» нашри футболчининг сўзларини келтирмоқда.

Шунингдек, «Энфилд» стадиони яқинидаги янги деворий суратда (фрескада) «Глазгода туғилган, Ливерпулда яратилган» деган ёзув пайдо бўлди — мухлислар клуб сафида 9 та совринни қўлга киритган Робертсоннинг шаҳар ва жамоа билан бўлган мустаҳкам боғлиқлигини айнан шундай таъкидлашди.