Hujumchi Noa Lang katta ehtimol bilan «Napoli»ga qaytadi. Turkiyaning «Galatasaroy» klubi yil boshida Istanbulga ko‘chib o‘tgan futbolchini sotib olmoqchi emas. Langning o‘yini klub rahbariyatida iliq taassurot qoldirmadi — bunga asosiy sabab futbolchining barqaror emasligi bo‘ldi.
Shuni ta’kidlash kerakki, Noa mart oyida Chempionlar Ligasi doirasida «Liverpul»ga qarshi kechgan bahsda barmog‘idan juda yoqimsiz jarohat olgan edi. Aynan shu holat uning Turkiya chempionatida o‘zini ko‘rsatishiga va asosiy tarkibda o‘rnashib olishiga salbiy ta’sir qildi.
Shunga qaramay, ushbu mavsumda u jamoasi bilan birga Turkiya Superligasi chempionlik unvonini qo‘lga kiritdi.
