Ҳужумчи Ноа Ланг катта эҳтимол билан «Наполи»га қайтади. Туркиянинг «Галатасарой» клуби йил бошида Истанбулга кўчиб ўтган футболчини сотиб олмоқчи эмас. Лангнинг ўйини клуб раҳбариятида илиқ таассурот қолдирмади — бунга асосий сабаб футболчининг барқарор эмаслиги бўлди.
Шуни таъкидлаш керакки, Ноа март ойида Чемпионлар Лигаси доирасида «Ливерпуль»га қарши кечган баҳсда бармоғидан жуда ёқимсиз жароҳат олган эди. Айнан шу ҳолат унинг Туркия чемпионатида ўзини кўрсатишига ва асосий таркибда ўрнашиб олишига салбий таъсир қилди.
Шунга қарамай, ушбу мавсумда у жамоаси билан бирга Туркия Суперлигаси чемпионлик унвонини қўлга киритди.
