«Bavariya» bosh murabbiyi Vensan Kompani Germaniya Kubogi finalida «Shtutgart»ga qarshi kechadigan bahsgacha jamoasining 2025/26 yilgi mavsumi bo‘yicha hech qanday baho bermasligini ma’lum qildi. Myunxenliklar uchun bu so‘nggi olti yildagi ilk Germaniya Kubogi finali bo‘ladi.
«Albatta, bu savol (mavsumga baho berish haqida) berilishini bilardim, ammo hozirgi vaziyatda mavsumni baholash noto‘g‘ri bo‘ladi. Ertaga final o‘ynaymiz. Har kimning o‘z fikri bor, lekin avvalo butsalarimizni kiyib, ertangi o‘yinni o‘tkazib olishimiz kerak. Ishonchim komilki, natija qanday bo‘lishidan qat’i nazar, bu mening kelajakdagi motivasiyamga ta’sir qilmaydi, lekin men g‘alaba qozonishni juda xohlayman. Hozir muhimi tahlil emas, balki aynan shu maqsaddir», — deya Reuters agentligidan iqtibos keltiradi Kompani.
