«Бавария» бош мураббийи Венсан Компани Германия Кубоги финалида «Штутгарт»га қарши кечадиган баҳсгача жамоасининг 2025/26 йилги мавсуми бўйича ҳеч қандай баҳо бермаслигини маълум қилди. Мюнхенликлар учун бу сўнгги олти йилдаги илк Германия Кубоги финали бўлади.
«Албатта, бу савол (мавсумга баҳо бериш ҳақида) берилишини билардим, аммо ҳозирги вазиятда мавсумни баҳолаш нотўғри бўлади. Эртага финал ўйнаймиз. Ҳар кимнинг ўз фикри бор, лекин аввало бутсаларимизни кийиб, эртанги ўйинни ўтказиб олишимиз керак. Ишончим комилки, натижа қандай бўлишидан қатъи назар, бу менинг келажакдаги мотивациямга таъсир қилмайди, лекин мен ғалаба қозонишни жуда хоҳлайман. Ҳозир муҳими таҳлил эмас, балки айнан шу мақсаддир», — дея Reuters агентлигидан иқтибос келтиради Компани.
