«Manchester Siti»ning markaziy hujumchisi Erling Xoland ispaniyalik mutaxassis Xosep Gvardiolaning jamoa bosh murabbiyi lavozimidan ketishi haqida fikr bildirdi. Mutaxassis joriy mavsum yakunlanganidan keyin «shaharliklar»ni tark etadi.
«Maydondagi Pepning suhbatlarini sog‘inaman», — deb yozib qoldirdi norvegiyalik to‘purar o‘z ijtimoiy tarmoqlarida.
Eslatib o‘tamiz, ispaniyalik murabbiy «Manchester Siti»ni 2016 yildan beri boshqarib kelmoqda. Gvardiola qo‘l ostida «shaharliklar» olti marta APL chempionlik unvonini qo‘lga kiritdilar, shuningdek, UYEFA Chempionlar Ligasi g‘olibiga aylandilar.
APL mavsumining yakuniy uchrashuvida «Manchester Siti» Birmingemning «Aston Villa» jamoasi bilan to‘qnash keladi.













