«Манчестер Сити»нинг марказий ҳужумчиси Эрлинг Холанд испаниялик мутахассис Хосеп Гвардиоланинг жамоа бош мураббийи лавозимидан кетиши ҳақида фикр билдирди. Мутахассис жорий мавсум якунланганидан кейин «шаҳарликлар»ни тарк этади.
«Майдондаги Пепнинг суҳбатларини соғинаман», — деб ёзиб қолдирди норвегиялик тўпурар ўз ижтимоий тармоқларида.
Эслатиб ўтамиз, испаниялик мураббий «Манчестер Сити»ни 2016 йилдан бери бошқариб келмоқда. Гвардиола қўл остида «шаҳарликлар» олти марта АПЛ чемпионлик унвонини қўлга киритдилар, шунингдек, УЕФА Чемпионлар Лигаси ғолибига айландилар.
АПЛ мавсумининг якуний учрашувида «Манчестер Сити» Бирмингемнинг «Астон Вилла» жамоаси билан тўқнаш келади.
