Fransiya chempionatida «Strasburg» sharafini himoya qilayotgan argentinalik yarim himoyachi Valentin Barko faoliyatini Angliyada davom ettirishga yaqin turibdi. Bu haqda taniqli insayder Fabrisio Romano xabar berdi.

Jurnalistning ma’lumotlariga ko‘ra, 21 yoshli futbolchini Londonning «Chelsi» klubi o‘z safiga qo‘shib oladi. Transfer yozgi oynada rasmiylashtirilishi kerak. Tomonlar allaqachon kelishuv shartlari bo‘yicha kelishib olishgan.

Ta’kidlash joizki, Barkoning bozor qiymati 35 million yevroga baholanmoqda. Joriy mavsumda yarim himoyachi Fransiya klubi safida 43 ta o‘yinda maydonga tushib, 3 ta gol urdi va 9 ta golli uzatmani amalga oshirdi.