Франция чемпионатида «Страсбург» шарафини ҳимоя қилаётган аргентиналик ярим ҳимоячи Валентин Барко фаолиятини Англияда давом эттиришга яқин турибди. Бу ҳақда таниқли инсайдер Фабрицио Романо хабар берди.
Журналистнинг маълумотларига кўра, 21 ёшли футболчини Лондоннинг «Челси» клуби ўз сафига қўшиб олади. Трансфер ёзги ойнада расмийлаштирилиши керак. Томонлар аллақачон келишув шартлари бўйича келишиб олишган.
Таъкидлаш жоизки, Барконинг бозор қиймати 35 миллион еврога баҳоланмоқда. Жорий мавсумда ярим ҳимоячи Франция клуби сафида 43 та ўйинда майдонга тушиб, 3 та гол урди ва 9 та голли узатмани амалга оширди.
