Germaniya terma jamoasi va «Liverpul» yarim himoyachisi Florian Virts bo‘lajak Jahon chempionati-2026 haqidagi fikrlari bilan o‘rtoqlashdi.
Germaniya terma jamoasi musobaqaning guruh bosqichida Kyurasao, Kot-d’Ivuar va Ekvador terma jamoalariga qarshi bahs olib boradi. Virs uchun bu faoliyatidagi ilk mundial bo‘ladi.
«Ilk Jahon chempionatida ishtirok etayotganimdan juda xursandman. Jamoada muhim rol o‘ynashni, mas’uliyatni o‘z zimmamga olib, muvaffaqiyatga hissa qo‘shishni istayman. Bu yoz ajoyib o‘tishiga umid qilaman. Bizda kuchli tarkib va malakali murabbiy bor. Agar o‘z salohiyatimizni to‘liq namoyon eta olsak, yaxshi natijalarga erishish imkoniyatimiz bor, lekin bizni turnirning yaqqol favoritlari deb ayta olmasdim», – dedi yarim himoyachi.
