«Manchester Yunayted» hujumchisi Brayan Mbeumo jamoadoshi Joshua Zirkzeeni «qizil iblislar» safidagi eng kam baholangan futbolchi sifatida e’tirof etdi.

Sky Sports nashriga bergan intervyusida Mbeumo niderlandiyalik forvardning imkoniyatlariga yuqori baho berdi:

«[Eng kam baholangan o‘yinchi?] Albatta, Joshua Zirkzee. Nega? Chunki u jamoadoshlari bilan juda yaxshi til topisha oladi. U juda kuchli yigit. Mashg‘ulotlarda u to‘pni nazorat qilayotganida, undan olib qo‘yish juda qiyin. Shuningdek, u vaziyatlardan foydalanishda mohir va kuchli zarbalarga ega. Uning o‘yini meni hayratda qoldirdi. Bundan tashqari, u juda xushmuomala va quvnoq inson», — dedi Mbeumo.

Ma’lumot uchun, Zirkzeening «Manchester Yunayted» bilan tuzgan shartnomasi 2029 yilning yoziga qadar mo‘ljallangan. Joriy mavsumda 25 ta uchrashuvda maydonga tushgan hujumchi 2 ta gol va 1 ta golli uzatmaga mualliflik qildi. Transfermarkt portali futbolchining transfer qiymatini 22 million yevroga baholamoqda.