«Манчестер Юнайтед» ҳужумчиси Брайан Мбеумо жамоадоши Жошуа Зиркзеени «қизил иблислар» сафидаги энг кам баҳоланган футболчи сифатида эътироф этди.

Sky Sports нашрига берган интервьюсида Мбеумо нидерландиялик форварднинг имкониятларига юқори баҳо берди:

«[Энг кам баҳоланган ўйинчи?] Албатта, Жошуа Зиркзее. Нега? Чунки у жамоадошлари билан жуда яхши тил топиша олади. У жуда кучли йигит. Машғулотларда у тўпни назорат қилаётганида, ундан олиб қўйиш жуда қийин. Шунингдек, у вазиятлардан фойдаланишда моҳир ва кучли зарбаларга эга. Унинг ўйини мени ҳайратда қолдирди. Бундан ташқари, у жуда хушмуомала ва қувноқ инсон», — деди Мбеумо.

Маълумот учун, Зиркзеенинг «Манчестер Юнайтед» билан тузган шартномаси 2029 йилнинг ёзига қадар мўлжалланган. Жорий мавсумда 25 та учрашувда майдонга тушган ҳужумчи 2 та гол ва 1 та голли узатмага муаллифлик қилди. Transfermarkt портали футболчининг трансфер қийматини 22 миллион еврога баҳоламоқда.