Xarri Keyn XXI asrda Yevropaning kuchli beshlik ligalari klublari safida bir mavsum davomida barcha turnirlarda 60 tadan ortiq gol urgan uchinchi futbolchiga aylandi.
«Bavariya» hujumchisi mavsumni 61 ta gol bilan yakunladi. Bugun Keyn Germaniya Kubogi finalida «Shtutgart»ga qarshi o‘yinda (3:0) xet-trik qayd etdi. Bu myunxenliklar uchun mavsumdagi so‘nggi uchrashuv edi.
Bunga qadar ushbu ko‘rsatkich faqat ikki futbolchi tomonidan zabt etilgan:
-
Lionel Messi: 2011/12 yilgi mavsumda «Barselona» safida (73 ta gol);
-
Krishtianu Ronaldu: 2014/15 yilgi mavsumda «Real» safida (61 ta gol).
