«Everton» bosh murabbiyi Devid Moyes uning jamoasi APLning so‘nggi turida «Tottenxem»ni mag‘lub etishga harakat qilishini aytdi. Ushbu natija londonliklarni Chempionshipga ravona qilishi va ayni paytda «Vest Xem»ga ligada qolishga yordam berishi mumkin.
Moyes ilgari ikki marta «Vest Xem»ni boshqargan. 2023 yilda u jamoani Konferensiyalar ligasidagi g‘alabaga boshlab kelgan edi.
«Agar iloji bo‘lsa, «Vest Xem»ni APLda saqlab qolishni istardim. Lekin men uchun mavsumni «Everton» bilan jadvalning yuqori qismida yakunlash va yakuniy o‘rin uchun klubga yana bir necha million ishlab berish muhimroq», — deya murabbiyning so‘zlarini Goal.com keltiradi.
So‘nggi tur oldidan «Tottenxem» 17-o‘rinni egallab turibdi va «Vest Xem»ni atigi 2 ochkoga ortda qoldirmoqda. «Shporlar»ga Angliya chempionatidagi o‘rnini kafolatlash uchun «Everton» bilan durang o‘ynash kifoya. Bu vaqtda «Vest Xem» «Lids»ni mag‘lub etishi shart bo‘ladi.
