Milanning «Inter» klubi «Barselona» bilan beqaror mavsumni o‘tkazgan va jamoadagi kelajagi noma’lum bo‘lib turgan urugvaylik himoyachi Ronald Arauxoga qiziqish bildirayotgani haqida avvalroq xabar berilgan edi. Biroq Arauxoning transferi «Inter» uchun moliyaviy jihatdan imkonsiz bo‘lib chiqdi.
Italiyaning Corriere della Sera nashri xabariga ko‘ra, «Barsa» 27 yoshli himoyachi uchun 50 million yevro talab qilmoqda. Bu «Inter» uchun juda katta mablag‘ hisoblanadi, ayniqsa jamoaning Chempionlar ligasini erta tark etgani klub byudjetiga sezilarli zarba bergan bir paytda.
Vaholanki, milanliklar yaqinda o‘z tarixida 21-bor Italiya chempioniga aylangan edi. Shunday qilib, Arauxoning Milanga kelishi amrimahol.
