«Bayer» «Bornmut» murabbiyi Andoni Iraola uchun kurashga qo‘shildi, unga shuningdek «Kristal Pelas» ham da’vogarlik qilmoqda, deb xabar beradi The Telegraph nemis manbalariga tayanib.

«Dorishunoslar» 43 yoshli ispaniyalik mutaxassisni Kasper Yulmandning o‘rniga potensial nomzod sifatida ko‘rishmoqda. Yulmand Bundesliganing o‘tgan mavsumida «Bayer» bilan atigi 6-o‘rinni egallagani sababli, katta ehtimol bilan ishdan bo‘shatiladi.

Iraola mavsum yakunida «Bornmut»ni tark etishini allaqachon e’lon qilgan. «Olchalar» hali ham Chempionlar ligasiga chiqish uchun imkoniyatni saqlab qolishmoqda. Avvalroq ispaniyalik mutaxassis «Chelsi»ning qisqa ro‘yxatidan joy olgan edi, biroq «ko‘klar» yakunda Xabi Alonsoni tayinlashdi.