«Байер» «Борнмут» мураббийи Андони Ираола учун курашга қўшилди, унга шунингдек «Кристал Пэлас» ҳам даъвогарлик қилмоқда, деб хабар беради The Telegraph немис манбаларига таяниб.
«Доришунослар» 43 ёшли испаниялик мутахассисни Каспер Юлманднинг ўрнига потенциал номзод сифатида кўришмоқда. Юлманд Бундеслиганинг ўтган мавсумида «Байер» билан атиги 6-ўринни эгаллагани сабабли, катта эҳтимол билан ишдан бўшатилади.
Ираола мавсум якунида «Борнмут»ни тарк этишини аллақачон эълон қилган. «Олчалар» ҳали ҳам Чемпионлар лигасига чиқиш учун имкониятни сақлаб қолишмоқда. Аввалроқ испаниялик мутахассис «Челси»нинг қисқа рўйхатидан жой олган эди, бироқ «кўклар» якунда Хаби Алонсони тайинлашди.
