Joze Mourinyo Madridning «Real» klubi bilan bo‘layotgan muzokaralari natijasidan qat’i nazar, «Benfika» bosh murabbiyi lavozimini tark etadi. Agar Florentino Peres «qirollik klubi» prezidentlik saylovlarida g‘alaba qozonsa, portugaliyalik mutaxassis aniq Madridga yo‘l oladi. Biroq bu sodir bo‘lmagan taqdirda ham, tomonlar o‘rtasidagi kelishmovchiliklar tufayli hamkorlik tugashi kutilmoqda.

«Benfika» rahbariyati Mourinyoning yangi shartnoma bo‘yicha takliflarni 24 mayga qadar ko‘rib chiqmasligi haqidagi ommaviy bayonotidan norozi. O‘z navbatida, murabbiy klubni aynan «Real»dan qiziqish bildirilganidan keyingina shartnomani uzaytirishni taklif qilganida ayblamoqda.

Avvalroq Mourinyo «Real» bosh murabbiyi lavozimiga asosiy nomzod sifatida ko‘rilayotgani haqida xabar berilgandi. «Qirollik klubi» allaqachon Alvaro Arbeloa jamoa bilan ishlashni to‘xtatganini rasman e’lon qilgan.