«Byornli» himoyachisi Kayl Uoker Xarri Maguayrning Angliya terma jamoasining Jahon chempionati uchun qaydnomasiga kiritilmagani haqida o‘z fikrlarini bildirdi.

«Agar olti oy oldin menga uni tarkibga kiritmasliklarini aytganingizda, men, ehtimol: "Mayli, bu adolatli", degan bo‘lardim. Ammo menimcha, uning bu mavsumdagi o‘yinini va ayniqsa, "Manchester Yunayted"ning hozirgi holatini hisobga olsak, uning tarkibga kirish imkoniyati katta edi deb o‘ylayman. Menimcha, men ham ishtirok etgan barcha yirik turnirlardagi uning tajribasi muhim rol o‘ynashi mumkin edi. Shuning uchun, u tarkibga kira olmagani juda omadsizlik bo‘ldi deb hisoblayman.

U fantastik futbolchi, buni uning Angliya safidagi o‘yinlaridan ham ko‘rish mumkin, u doimo bor kuchini beradi, hatto penaltilar seriyasida ham. Bunga e’tibor qaratish kerak. Markaziy himoyachi sifatida biz ishtirok etgan barcha yirik turnirlardagi penaltilar seriyasida mas’uliyatni o‘z zimmasiga olishi – bu katta gap.

Menimcha, u Angliya terma jamoasida o‘ynash uning uchun qanchalik muhimligi haqida juda yaxshi fikrlarni bildirgan. Shu bois, unga buni qabul qilish juda og‘ir bo‘lgan bo‘lsa kerak... [Tomas Tuxel] bilan o‘sha telefon suhbati vaqtida buni hazm qilish juda qiyin bo‘lgan.

Ammo bu futbol, u bunga ko‘nikishi, o‘zini qo‘lga olib, oldinga harakat qilishi kerak», – dedi Angliya terma jamoasining sobiq himoyachisi Uoker.