Kelasi hafta Budapeshtda «PSJ» va «Arsenal» jamoalari o‘rtasida Chempionlar ligasining final uchrashuvi bo‘lib o‘tadi. Rossiya terma jamoasining sobiq futbolchisi Andrey Arshavin finalda qaysi jamoaga muxlislik qilishi haqidagi savolga javob qaytardi.
«Chempionat» nashrining yozishicha, Arshavin shunday degan: «Chempionlar ligasi finalida «Arsenal»ga muxlislik qilaman, ammo o‘ylashimcha, «PSJ» g‘alaba qozonadi».
Eslatib o‘tish joizki, Andrey Arshavin o‘z vaqtida aynan «Arsenal» safida to‘p surgan. «PSJ» va «Arsenal» o‘rtasidagi Chempionlar ligasi finali 30 may, shanba kuni bo‘lib o‘tadi.
Parij klubi safida rossiyalik darvozabon Matvey Safonov to‘p surmoqda. «PSJ» ayni damda Chempionlar ligasining amaldagi g‘olibi hisoblanadi.
