«Komo» bosh murabbiyi Sesk Fabregas A Seriya 38-turidan o‘rin olgan «Kremoneze»ga qarshi o‘yindan so‘ng o‘z kelajagi haqida fikr bildirdi.

Ispaniyalik murabbiy boshqaruvidagi jamoa yirik hisobda g‘alaba qozonib (4:1), musobaqa jadvalida to‘rtinchi o‘rinni egalladi va Chempionlar ligasi yo‘llanmasini qo‘lga kiritdi. Fabregasning nomi allaqachon nufuzli klublar bilan bog‘lanib kelayotgan edi, bunday katta muvaffaqiyatdan so‘ng esa uning jamoadan ketishi haqidagi gap-so‘zlar yanada ko‘payishi tabiiy.

«Yuz foiz ishonch bilan ayta olamanki, men «Komo»da qolaman. Kelajak uchun juda katta maqsadlarimiz bor», — deya jurnalist Nikolo Skira 39 yoshli mutaxassisning so‘zlarini keltiradi.

Avvalroq Fabregas Angliyaning nomi oshkor etilmagan ikkita klubidan kelgan takliflarni rad etgani haqida xabar berilgandi.