Bernardu Silva va Xosep Gvardiola Premyer-liganing so‘nggi tur doirasida «Aston Villa»ga qarshi kechgan o‘yindan so‘ng «Manchester Siti» bilan xayrlashishdi. Turnir ahamiyatiga ega bo‘lmagan bu bahsda «shaharliklar» o‘z maydonlarida imkoniyatni boy berishdi (1:2). O‘yinning asosiy voqeasi Gvardiola, Bernardu Silva va Jon Stounsning klub bilan xayrlashuvi bo‘ldi.

«Pep — g‘alabalarimizning asosiy sababchisi. U bosh murabbiy edi, barcha qarorlarni u qabul qilardi. U bir yoki ikki yil emas, balki juda uzoq vaqt davomida muvaffaqiyatli bo‘lgan «qo‘rqinchli» jamoani yaratdi. Bu futboldagi eng qiyin ish. Gvardiola rivojlanishdan hech qachon to‘xtamadi, doimo yangi narsalar o‘ylab topdi, raqiblarga moslashish va o‘yin uslubini «ochib tashlash» imkonini bermadi. Men uchun u futboldagi otamdek, undan barchasi uchun minnatdorman. Uni barcha davrlarning eng yaxshi murabbiyi deb bilaman», — deya Silvaning so‘zlarini keltiradi City Report.

Ispaniyalik mutaxassis 2016 yildan, portugaliyalik yarim himoyachi esa 2017 yildan buyon jamoa sharafini himoya qilib kelayotgan edi.