Mavsum yakunida «Manchester Siti»ni tark etadigan ispaniyalik mutaxassis Xosep Gvardiola «shaharliklar» boshqaruvidagi o‘zining o‘rinbosari bilan suhbatlashishini ma’lum qildi.
«Siti» yangi murabbiy borasida aniq qarorga kelgach, men unga qo‘ng‘iroq qilaman. Unga o‘zi bo‘lishni maslahat beraman. Klub unga maksimal darajada yordam beradi. Hammasi yaxshi bo‘ladi. Bunga ishonchim komil», — deya murabbiyning so‘zlarini keltiradi ingliz top-klubi matbuot xizmati.
Eslatib o‘tamiz, ispaniyalik mutaxassis 2016 yildan buyon «Manchester Siti»ni boshqarib kelayotgan edi. Gvardiola qo‘l ostida «shaharliklar» olti marta Angliya Premyer-ligasi chempioni bo‘lishdi va UYEFA Chempionlar ligasida zafar quchishdi.
