«PSJ» vingeri Usmon Dembele parijliklar bosh murabbiyi Luis Enrike haqida o‘z fikrlari bilan o‘rtoqlashdi.

«Luis Enrikening siri nimada ekanini aniq ayta olmaysiz. U yuqori saviyali murabbiy va biz bunga «Barselona»da, endi esa «PSJ»da amin bo‘ldik. Uning aniq qarashlari bor va u buni butun jamoaga yetkazishga harakat qiladi. Unda energiya juda ko‘p, buni matbuot anjumanlarida ham payqashingiz mumkin. U ajoyib murabbiy, mohir mutaxassis va biz u «PSJ»da uzoq vaqt qolishiga umid qilamiz.

Luis Enrike menga ham maydonda, ham maydondan tashqarida o‘rnak bo‘lishim kerakligini aytdi. Ilgari o‘zimga ko‘p savollar berardim, u kelganidan keyin esa zimmamga ancha ko‘proq mas’uliyat oldim», — dedi Dembele M6 telekanaliga bergan intervyusida.