Tajribali murabbiy Maurisio Sarri «Lasio»dan Italiya A Seriyasining boshqa bir klubiga o‘tishga yaqin turibdi. Mashhur insayder Fabrisio Romanoning ijtimoiy tarmoqlarda xabar berishicha, 67 yoshli Sarri allaqachon «Atalanta» bilan shartnoma shartlari bo‘yicha kelishib olgan.
Yaqin vaqt ichida ushbu shartnoma rasman imzolanishi kutilmoqda. «Atalanta» boshqaruvida Maurisio Sarri Raffaele Palladinoning o‘rnini egallaydi. Ayni damda rasmiy tasdiqlanishi kutilmoqda.
«Atalanta» Italiya chempionatini 7-o‘rinda yakunladi va kelasi mavsumda Konferensiyalar Ligasida mamlakat sharafini himoya qiladi.













