«Gerta»ning 16 yoshli tayanch yarim himoyachisi Kennet Ayxxorn «Liverpul» qiziqishlari doirasiga tushdi. Ingliz klubi nemis futbolchisi uchun kurashga qo‘shildi va uning ehtimoliy transferi bo‘yicha aniq muzokaralar olib bordi.

Ayxxornning tovon puli 10-12 million yevroni tashkil etadi. Yakunlangan mavsumda u ikkinchi Bundesligada 17 ta o‘yinda maydonga tushib, bitta gol urishga muvaffaq bo‘ldi.

Avvalroq futbolchiga «Manchester Siti», «Bavariya», Dortmundning «Borussiya»si va «Bayer» klublari tomonidan qiziqish borligi haqida xabar berilgan edi.