«PSJ» vingeri Xvicha Kvarasxeliya faoliyati davomida qanday o‘zgargani haqida gapirib berdi. Gruziyalik futbolchining so‘zlariga ko‘ra, u ko‘proq jamoaviy o‘yinchiga aylangan.
«Faoliyatimni boshlaganimda, menimcha, jamoaviy o‘yinchidan ko‘ra ko‘proq individual futbolchi edim. Ammo tezda anglab yetdimki, jamoasiz sen hech kimsan. Kamdan-kam futbolchilar o‘yinlarni yolg‘iz o‘zi yutishi mumkin. Men shuni tushunib yetdimki, agar senda har bir o‘yinchi borini beradigan yaxshi jamoa bo‘lsa, natija albatta keladi», — deya Kvarasxeliyaning so‘zlaridan iqtibos keltiradi UYEFA rasmiy sayti.
Xvicha Kvarasxeliya va «PSJ»ning boshqa futbolchilari hozirda Chempionlar ligasi finaliga tayyorgarlik ko‘rishmoqda. Unda parijliklarning raqibi «Arsenal» bo‘ladi. O‘yin shanba kuni, 30 mayda bo‘lib o‘tadi.
