«ПСЖ» вингери Хвича Кварацхелия фаолияти давомида қандай ўзгаргани ҳақида гапириб берди. Грузиялик футболчининг сўзларига кўра, у кўпроқ жамоавий ўйинчига айланган.
«Фаолиятимни бошлаганимда, менимча, жамоавий ўйинчидан кўра кўпроқ индивидуал футболчи эдим. Аммо тезда англаб етдимки, жамоасиз сен ҳеч кимсан. Камдан-кам футболчилар ўйинларни ёлғиз ўзи ютиши мумкин. Мен шуни тушуниб етдимки, агар сенда ҳар бир ўйинчи борини берадиган яхши жамоа бўлса, натижа албатта келади», — дея Кварацхелиянинг сўзларидан иқтибос келтиради УЕФА расмий сайти.
Хвича Кварацхелия ва «ПСЖ»нинг бошқа футболчилари ҳозирда Чемпионлар лигаси финалига тайёргарлик кўришмоқда. Унда парижликларнинг рақиби «Арсенал» бўлади. Ўйин шанба куни, 30 майда бўлиб ўтади.
