«Tottenxem» yozgi transfer oynasida «Benfika» darvozaboni Anatoliy Trubinni o‘z safiga qo‘shib olishni rejalashtirmoqda, deb xabar beradi A Bola.

Trubin avvalroq «shporlar»ning hozirgi bosh murabbiyi Roberto De Dzerbi bilan «Shaxtyor»da birga ishlagan. Darvozabonning klub bilan amaldagi shartnomasi 2028 yilgacha mo‘ljallangan.

Yakunlangan mavsumda Trubin «Benfika» safida barcha turnirlarda 51 ta o‘yinda maydonga tushdi. Transfermarkt portali ma’lumotlariga ko‘ra, futbolchining transfer qiymati 25 million yevroni tashkil etadi.