Angliyalik murabbiy Fil Nevill rahbariyat bilan kelishuvga ko‘ra MLSning «Portlend Timbers» klubidan ketdi. Bu haqda klub rasmiy sayti xabar bermoqda.
Nevill jamoaga 2023 yilning noyabr oyida kelib qo‘shilgan edi. Ikki yarim mavsum davomida «Portlend» uning qo‘l ostida 27 ta g‘alaba qayd etdi, 31 bor mag‘lub bo‘ldi va 24 marta durang o‘ynadi. Hozirda jamoa G‘arbiy konferensiyada 13-o‘rinni egallab turibdi, bu esa klub rahbariyatini qoniqtirmadi.
Avvalroq Nevill jamoani ikki bor pley-off bosqichiga olib chiqqan, 2024 yilda esa «Portlend» bir mavsumda urilgan gollar soni bo‘yicha klub rekordini o‘rnatgan edi.
