«Pari Sen-Jermen» bosh murabbiyi Luis Enrike Chempionlar ligasi finali oldidan Mikel Artetaning «Arsenal»dagi ishi haqida o‘z fikrlari bilan o‘rtoqlashdi. 30 may kuni ularning jamoalari Budapeshtdagi «Pushkash Arena» stadionida Yevropaning bosh sovrini uchun kurash olib borishadi.

«Men jamoalarimizni mutlaqo qarama-qarshi deb hisoblamayman. «Arsenal» Mikelni to‘liq aks ettiradi. U Pep Gvardiolaning to‘pga egalik qilishga asoslangan yondashuvini oldi va uni o‘zinikiga aylantirdi. «Kanonirlar» aqlbovar qilmas bardosh namoyish etishmoqda, bu Artetaning xarakteriga mos keladi. Bir necha yil davomida ular Yevropada ishonchli himoyani ko‘rsatishdi», — deya Enrikedan iqtibos keltiradi UEFA Media Team.

Ispaniyalik mutaxassis Arteta bilan bo‘lgan munosabatlari haqida iliq gaplar aytdi:

«Men «Barselona»da o‘ynaganimda, Mikel hali juda yosh edi. Yo‘llarimiz bir mavsum davomida kesishgan, garchi u «PSJ»ga ijaraga ketishidan oldin u yerda to‘liq bir yil o‘tkazganmi yoki yo‘q, aniq bilmayman. Biz kam ko‘rishardik, ammo xotiralar iliq. U ulkan iste’dod, mehnatsevar, qat’iyatli va texnikasi juda kuchli. Yuqori saviyali markaziy yarim himoyachi. Har safar Arteta bilan uchrashganimda, u kayfiyatimni ko‘taradi. Biz doimo birga o‘ynagan o‘sha mavsumni eslaymiz va bu juda yoqimli».

Ortda qolgan mavsumda Arteta shogirdlari 22 yil ichida ilk bor Angliya chempioni bo‘lishdi.