«Nyukasl» vingeri Entoni Gordon «Barselona»ning yozgi transfer oynasidagi asosiy maqsadlaridan biriga aylandi. Bu haqdagi dastlabki xabarlar Ispaniya ommaviy axborot vositalarida paydo bo‘lgan edi, endilikda esa bu ma’lumotni nufuzli insayder Fabrisio Romano ham tasdiqladi.

Romanoga ko‘ra, Gordonning nomzodi kataloniyaliklarning ichki yig‘ilishlarida jiddiy muhokama qilingan va 25 yoshli futbolchi klubning transfer short-listida yuqori o‘rinlarni egallab turibdi.

Ta’kidlash joizki, Angliya terma jamoasi a’zosi uchun faqat «Barselona» emas, balki «Bavariya» va «Liverpul» kabi Yevropa futboli grandlari ham kurashmoqda. Ayni damda aniq bo‘lgan yagona jihat shuki, «soroklar» yulduzi yozgi transfer oynasida jamoasini o‘zgartirishi deyarli aniq.