Agar Joze Mourinyo «Real» bosh murabbiyi etib tayinlansa, u tarkibni jiddiy kuchaytirishni rejalashtirmoqda. Florentino Peres prezidentlik saylovlarida g‘alaba qozonsa, portugaliyalik mutaxassis jamoani boshqarishi deyarli aniq.

AS nashri ma’lumotlariga ko‘ra, murabbiy kamida bitta markaziy himoyachini o‘z safiga qo‘shib olishni ko‘zlamoqda. Shuningdek, unga o‘ng qanot himoyachisi, tayanch yarim himoyachisi va kreativ pleymeyker kerak. Ta’kidlanishicha, murabbiy hozircha aniq futbolchilar nomini so‘ramagan, ammo o‘z talablari bajarilishiga umid qilmoqda.

Ayni paytda Joze Mourinyo «Benfika» bilan shartnomaga ega, biroq u yozda Lissabon klubini tark etishi deyarli aniq.