«Brayton» yarim himoyachisi Karlos Baleba Angliya Premyer-ligasining ikki klubi e’tiborida. 22 yoshli futbolchiga o‘tgan yildan buyon da’vogarlik qilib kelayotgan va ushbu kurashda favorit sanaladigan «Manchester Yunayted» hamon unga qiziqish bildirmoqda.

Jurnalist Ekrem Konurning xabar berishicha, kamerunlik futbolchi uchun «qizil iblislar» bilan «Tottenxem» ham raqobatlashishga tayyor — «shporlar» elitadagi o‘rnini saqlab qolgach, tarkibni jiddiy kuchaytirishga ahd qilgan.

Karlos Balebaning bozor qiymati Transfermarkt portali tomonidan 55 million yevroga baholanmoqda, ammo «chaykalar» bundan ancha yuqoriroq narx talab qilishi mumkin. Futbolchining amaldagi shartnomasi 2028 yilgacha mo‘ljallangan.