«Брайтон» ярим ҳимоячиси Карлос Балеба Англия Премьер-лигасининг икки клуби эътиборида. 22 ёшли футболчига ўтган йилдан буён даъвогарлик қилиб келаётган ва ушбу курашда фаворит саналадиган «Манчестер Юнайтед» ҳамон унга қизиқиш билдирмоқда.
Журналист Экрем Конурнинг хабар беришича, камерунлик футболчи учун «қизил иблислар» билан «Тоттенхэм» ҳам рақобатлашишга тайёр — «шпорлар» элитадаги ўрнини сақлаб қолгач, таркибни жиддий кучайтиришга аҳд қилган.
Карлос Балебанинг бозор қиймати Transfermarkt портали томонидан 55 миллион еврога баҳоланмоқда, аммо «чайкалар» бундан анча юқорироқ нарх талаб қилиши мумкин. Футболчининг амалдаги шартномаси 2028 йилгача мўлжалланган.
