«Manchester Yunayted» hujumchisi Benyamin Sheshko jamoadagi ilk mavsumidan olgan taassurotlari bilan o‘rtoqlashdi. 22 yoshli futbolchi «qizil iblislar» safida barcha turnirlarda 32 ta o‘yinda maydonga tushib, 12 ta gol urgan va bitta golli uzatmani amalga oshirgan.

«Menga bosim yoqadi. Agar senga bosim o‘tkazishsa, demak, sen yaxshi futbolchisan. Aniqki, «Manchester Yunayted» hujumchisidan doimo gol kutishadi – men aynan shuning uchun shu yerdaman. Men «Manchester Yunayted» bilan gol urish va sovrinlarni yutish uchun kelganman», – deya Sheshkoning so‘zlaridan iqtibos keltiradi UtdDistrict.

Sloveniyalik futbolchi inglizlar grandi safiga o‘tgan yilning avgust oyida «RB Leypsig»dan 76,5 million yevro evaziga ko‘chib o‘tgan edi.