«Манчестер Юнайтед» ҳужумчиси Беньямин Шешко жамоадаги илк мавсумидан олган таассуротлари билан ўртоқлашди. 22 ёшли футболчи «қизил иблислар» сафида барча турнирларда 32 та ўйинда майдонга тушиб, 12 та гол урган ва битта голли узатмани амалга оширган.

«Менга босим ёқади. Агар сенга босим ўтказишса, демак, сен яхши футболчисан. Аниқки, «Манчестер Юнайтед» ҳужумчисидан доимо гол кутишади – мен айнан шунинг учун шу ердаман. Мен «Манчестер Юнайтед» билан гол уриш ва совринларни ютиш учун келганман», – дея Шешконинг сўзларидан иқтибос келтиради UtdDistrict.

Словениялик футболчи инглизлар гранди сафига ўтган йилнинг август ойида «РБ Лейпциг»дан 76,5 миллион евро эвазига кўчиб ўтган эди.