«Barselona» rahbariyati «Atletiko» Madrid xarid qilishga urinayotgan yarim himoyachi Mark Kasadoni jamoa tarkibida saqlab qolmoqchi. Bu haqda Diario SPORT xabar bermoqda.
Manbaga ko‘ra, «matraschilar» bosh murabbiyi Diyego Simeone Kasadoning muxlisi hisoblanadi. «Atletiko» bir necha oydan beri futbolchi haqida ma’lumot to‘plamoqda va yozgi transferlar vaqtida uni o‘z safiga qo‘shib olishga umid qilmoqda. Klub Kasado Simeone loyihasida muhim o‘yinchiga aylanishiga ishonmoqda.
Biroq «Barselona» o‘z tarbiyalanuvchisini sotishdan manfaatdor emas. Joriy mavsumda 22 yoshli yarim himoyachi barcha musobaqalarda 34 ta o‘yinda maydonga tushib, bitta golli uzatmaga mualliflik qildi.
