«Real» hujumchisi Vinisius Junior Braziliya terma jamoasida nega o‘ninchi raqam ostida to‘p surishga rozi bo‘lgani haqidagi savolga javob berdi.
«Anchelotti mendan o‘ninchi raqamda o‘ynashimni so‘radi. Boshqa futbolchi zimmasiga juda katta mas’uliyat yuklamaslik uchun. Anchelotti mendan «o‘nlik»ni olishimni iltimos qildi va men hech qanday qo‘rquvsiz uni qabul qildim», — deya Vinisiusning so‘zlaridan iqtibos keltiradi CazeTV.
Vinisius Junior 2019 yildan beri Braziliya terma jamoasi sharafini himoya qilib kelmoqda. Forvard milliy jamoa safida jami 47 ta o‘yin o‘tkazib, sakkizta gol urgan. «Selesao» tarkibida hujumchi 2021 yilgi Amerika Kubogida ikkinchi o‘rinni egallagan.
