«Реал» ҳужумчиси Винисиус Жуниор Бразилия терма жамоасида нега ўнинчи рақам остида тўп суришга рози бўлгани ҳақидаги саволга жавоб берди.
«Анчелотти мендан ўнинчи рақамда ўйнашимни сўради. Бошқа футболчи зиммасига жуда катта масъулият юкламаслик учун. Анчелотти мендан «ўнлик»ни олишимни илтимос қилди ва мен ҳеч қандай қўрқувсиз уни қабул қилдим», — дея Винисиуснинг сўзларидан иқтибос келтиради CazeTV.
Винисиус Жуниор 2019 йилдан бери Бразилия терма жамоаси шарафини ҳимоя қилиб келмоқда. Форвард миллий жамоа сафида жами 47 та ўйин ўтказиб, саккизта гол урган. «Селесао» таркибида ҳужумчи 2021 йилги Америка Кубогида иккинчи ўринни эгаллаган.
