«PSJ» sobiq futbolchisi Jerom Roten parijliklar hujumchisi Usmon Dembele va ayni damda «Real» sharafini himoya qilayotgan Kilian Mbappe haqida gapirib, ulardan birini ustun qo‘ydi.

«Dembele yoki Mbappe? Dembele. Menimcha, u maydondan tashqarida va kameralarsiz muloqot qilish uchun juda oddiy inson. Men ikkalasini ham taniyman, lekin menga Usmon ko‘proq yoqadi. Bu Kilian yomon yoki men unga toqat qilolmayman degani emas, lekin u juda o‘zgarib ketdi. Usmon «Oltin to‘p»ni qo‘lga kiritganidan keyin o‘zi haqida juda yuqori fikrga borishi mumkin edi, lekin menimcha, u juda kamtar», — deya Rotenning so‘zlarini keltirmoqda L’Equipe nashri.

2025/26 yilgi mavsumda Usmon Dembele «PSJ» safida barcha turnirlarda 39 ta o‘yinda maydonga tushib, 19 ta gol urdi va 11 ta golli uzatmani amalga oshirdi.