«ПСЖ» собиқ футболчиси Жером Ротен парижликлар ҳужумчиси Усмон Дембеле ва айни дамда «Реал» шарафини ҳимоя қилаётган Килиан Мбаппе ҳақида гапириб, улардан бирини устун қўйди.

«Дембеле ёки Мбаппе? Дембеле. Менимча, у майдондан ташқарида ва камераларсиз мулоқот қилиш учун жуда оддий инсон. Мен иккаласини ҳам танийман, лекин менга Усмон кўпроқ ёқади. Бу Килиан ёмон ёки мен унга тоқат қилолмайман дегани эмас, лекин у жуда ўзгариб кетди. Усмон «Олтин тўп»ни қўлга киритганидан кейин ўзи ҳақида жуда юқори фикрга бориши мумкин эди, лекин менимча, у жуда камтар», — дея Ротеннинг сўзларини келтирмоқда L’Equipe нашри.

2025/26 йилги мавсумда Усмон Дембеле «ПСЖ» сафида барча турнирларда 39 та ўйинда майдонга тушиб, 19 та гол урди ва 11 та голли узатмани амалга оширди.