Fransiya Respublikasi prezidenti Emmanuel Makron 2 iyun kuni milliy terma jamoaning mashg‘ulot markaziga tashrif buyuradi, deb xabar bermoqda RMC Sport.
Davlat rahbarining bunday tashrifi an’anaviy tusga ega bo‘lib, jamoaning yirik xalqaro turnirlarga tayyorgarligi doirasida amalga oshiriladi. Tashrifdan ko‘zlangan maqsad — 2026 yilgi Jahon chempionatiga jo‘nab ketish oldidan futbolchilar va Didye Desham boshchiligidagi murabbiylar shtabini ma’naviy qo‘llab-quvvatlashdir.
Fransiya terma jamoasi 10 iyun kuni mundialga yo‘l oladi. Eslatib o‘tamiz, turnir uch mamlakat — AQSH, Kanada va Meksika maydonlarida bo‘lib o‘tadi.
