«Atalanta» rahbariyati markaziy yarim himoyachi Yunus Musaning kelajagi borasida bir qarorga keldi. Amerikalik futbolchi 2025/2026 yilgi mavsumni Bergamo klubida ijara asosida o‘tkazgan edi.
Nufuzli insayder Fabrisio Romanoning xabar berishicha, bergamoliklar Musaning shartnomasidagi sotib olish bandini faollashtirmaydigan bo‘lishdi — futbolchi «Milan»ga qaytadi.
23 yoshli xavbek «Atalanta» safida barcha turnirlarda jami 27 ta o‘yinda maydonga tushib, o‘z hisobiga ikkita gol va bitta golli uzatmani yozdirib qo‘ydi.
Eslatib o‘tamiz, Raffaele Palladino boshqaruvidagi jamoa A Seriya turnir jadvalida yettinchi o‘rinni egalladi. Kelasi mavsumda klub Konferensiyalar ligasida ishtirok etadi.
