«Manchester Yunayted» va Daniya terma jamoasining sobiq darvozaboni Peter Shmeyxel o‘g‘li Kasper Shmeyxelning futbolchilik faoliyatini yakunlagani haqida o‘z fikrlarini bildirdi.

«Hech narsa abadiy emas, afsuski, Kasper uchun futbol bilan xayrlashish vaqti keldi. Unda jarohat bor, bu esa uning o‘z xohishi emas, balki taqdir ekanini anglatadi, lekin ba’zida futbol shunaqa. Men uning erishgan barcha yutuqlaridan, eng muhimi esa u qanday inson bo‘lib yetishganidan faxrlanaman», — dedi Peter ijtimoiy tarmoqdagi o‘z sahifasiga joylagan videoda.

39 yoshli daniyalik darvozabonning oxirgi klubi «Seltik» bo‘ldi. Ushbu jamoa tarkibida u ikki marta Shotlandiya chempioni bo‘ldi va Shotlandiya kubogini qo‘lga kiritdi. Faoliyati davomida u, shuningdek, «Darlington», «Beri», «Falkirk», «Manchester Siti», «Kardiff», «Koventri», «Notts Kaunti», «Lids», «Lester», «Nissa» va «Anderlext» klublari sharafini himoya qilgan.