«Liverpul»ning 23 yoshli yarim himoyachisi Xarvi Elliott «Lids Yunayted»ga o‘tish istagida, deb xabar bermoqda Football Insider. Manbaga ko‘ra, «qizillar» bosh murabbiyi Arne Slot futbolchining jamoani tark etishiga rozilik bergan. «Lids» esa yarim himoyachiga doimiy o‘yin amaliyotini va’da qilmoqda.

Qayd etilishicha, «Liverpul» Elliott uchun taxminan 30 million yevro talab qiladi. Bundan tashqari, Xarvining xizmatlariga Angliya Premyer-ligasi va Germaniya Bundesligasining bir qator klublari ham qiziqish bildirmoqda.

Elliott o‘tgan mavsumni ijara asosida «Aston Villa»da o‘tkazgan edi. Uning «Liverpul» bilan amaldagi shartnomasi 2027 yilning iyun oyi oxirigacha mo‘ljallangan.