«Ливерпуль»нинг 23 ёшли ярим ҳимоячиси Харви Эллиотт «Лидс Юнайтед»га ўтиш истагида, деб хабар бермоқда Football Insider. Манбага кўра, «қизиллар» бош мураббийи Арне Слот футболчининг жамоани тарк этишига розилик берган. «Лидс» эса ярим ҳимоячига доимий ўйин амалиётини ваъда қилмоқда.

Қайд этилишича, «Ливерпуль» Эллиотт учун тахминан 30 миллион евро талаб қилади. Бундан ташқари, Харвининг хизматларига Англия Премьер-лигаси ва Германия Бундеслигасининг бир қатор клублари ҳам қизиқиш билдирмоқда.

Эллиотт ўтган мавсумни ижара асосида «Астон Вилла»да ўтказган эди. Унинг «Ливерпуль» билан амалдаги шартномаси 2027 йилнинг июнь ойи охиригача мўлжалланган.